Нашата приказна
Нашиот долгогодишен активизам во три различни сектори (медиумскиот, бизнис и граѓанскиот сектор) го слплотивме и го насочивме кон граѓаните. Програмата Граѓаните против корупцијата е мрежа од три граѓански организации: Македонски центар за меѓународна соработка; Институт за демократија и Центар за граѓански комуникации. Три медиумски куќи: 360 Степени, Истражувачка репортерска лабораторија Македонија и Балканска истражувачка мрежа и бизнис секторот претставуван од Стопанската комора на Северна Македонија.
Секој активист, секоја акција, секој глас имаат значење. Нашиот напор не е само за нас – тој е за нашата заедница, за нашата иднина. Не го изоставувајте вашиот глас, бидете активни, бидете гласни во борбата против корупцијата.
Граѓаните се главен дел од нашата мисија во борбата против корупцијата. Оваа апликација треба да го спои нашиот активизам со активизмот на граѓаните.
Апликацијата директно ги вклучува граѓаните во активна борба со корупцијата, давајќи им можност да делуваат и да реагираат кон носителите на одлуки.
Има еден излез – кажи НЕ на корупцијата!
Што е Реагирај?
Reagiraj (reagiraj.idscs.org.mk) е веб-апликација која ви овозможува да реагирате директно до надлежните институции за проблеми што ги засегаат граѓаните. Со едноставен клик на копчето „Реагирај“, се генерира е-маил кој потоа можете да го испратите до институциите одговорни за решавање на одредени проблеми.
Зошто да реагирам?
Вашето учество преку оваа апликација не само што помага во решавање на конкретни прашања, туку и го зајакнува граѓанскиот активизам. Со секоја реакција, вие активно придонесувате во борбата против корупцијата и станувате дел од решението за општествените проблеми. Дополнително, Regairaj овозможува лесен и транспарентен начин за граѓаните да се вклучат, со што се гради посилно општество засновано на одговорност и правичност.
Акции / Реагирај
Во делот „Акции“, односно „Реагирај“ (на десктоп) можете да ги најдете сите иницијативи кои се креирани и упатени до различни институции. Овие акции покриваат различни области, како што се образование, здравство, јавни услуги и многу други важни сектори. Секоја акција има различно време на траење и цел, овозможувајќи ви да се вклучите во иницијативите кои најмногу ве засегаат. Преку овие акции, граѓаните имаат можност активно да придонесат кон подобрување на системот и борбата против корупцијата, поддржувајќи конкретни промени во своите заедници.
Содржина
Во делот „Содржина“, можете да ги прочитате сите продукти што се изработени во рамките на програмата Граѓаните против корупцијата. Овие материјали содржат информации, алатки и ресурси кои можат да ви помогнат подобро да разберете како да реагирате и да се вклучите во борбата против корупцијата
Вашите идеи можат да направат промена – испратете ги на: reagiraj@idscs.org.mk
Вашите предлози и идеи ни се неопходни за да ја подобриме заедничката борба против корупцијата и да ги засилиме нашите акции. Секој предлог или идеја е вреден и може да придонесе кон позитивни промени во општеството. Ве охрабруваме да ги споделите сите ваши мисли и иницијативи, без разлика дали се однесуваат на конкретни проблеми или општи предлози за подобрување на системот.
Испратете ги вашите идеи на reagiraj@idscs.org.mk
Како ги обработуваме вашите лични податоци?
На нашата веб-страница, ние ја цениме вашата приватност и се придржуваме до строги практики за заштита на податоците. Важно е да знаете дека не собираме ниту чуваме никакви лични податоци за нашите корисници. Користиме колачиња само за да го запомниме вашиот претпочитан јазик на страницата и да го следиме бројот на посети пред да ве прашаме дали сакате да примате известувања. За следење на употребата на апликацијата, користиме Google Analytics. При вашата прва посета, ќе ве прашаме дали дозволувате или одбивате следење преку Google Analytics, при што имате целосно право да се откажете од ова следење. За акциите користиме технологија "mailto", што значи дека немаме пристап до вашата е-пошта ниту ја знаеме. Нашите Firebase известувања се целосно анонимизирани, што значи дека не можеме да поврземе корисник со одреден токен за известување. Важно е да се напомене дека немаме никакви формулари кои бараат кориснички податоци, ниту користиме услуги од трети страни кои бараат такви информации. Доколку имате прашања во врска со обработката на податоци, можете да најдете информации за контакт во делот "За нас" на нашата веб-страница. Вашата приватност е наш приоритет, и постојано работиме на тоа да обезбедиме безбедно и транспарентно искуство за сите наши корисници.
